Yn ogystal â gweithio hyblyg ac opsiynau absenoldeb arbennig, gall mathau eraill o gymorth yn y gweithle wneud gwahaniaeth gwirioneddol i ofalwyr a’u helpu i aros mewn gwaith. 

Mae enghreifftiau o gefnogaeth o'r fath yn cynnwys rhoi cyhoeddusrwydd i bolisïau yn y gweithle ar y fewnrwyd neu mewn llawlyfrau, rhaglenni cymorth i weithwyr a chynlluniau iechyd a lles, a sefydlu grwpiau rhwydweithio mewnol i ddarparu cefnogaeth gan gyfoedion.

Mae mathau eraill o gefnogaeth ymarferol sy'n cael eu gwerthfawrogi gan ofalwyr yn aml yn cynnwys pethau eithaf syml fel mynediad i ffôn preifat a maes parcio yn agos at y gweithle, i wneud mynd i mewn ac allan o’r gwaith yn gyflymach ac yn haws.

"Mae gennyf fynediad i ffôn, felly os byddaf yn gadael Mam yn y bore ac mae hi'n isel neu'n sâl, gallaf ei ffonio yn ystod y dydd. Gallaf fynd i rywle preifat a chael sgwrs gyda hi heb orfod poeni am beth sy'n mynd i ddigwydd 'nes i mi fynd adref. "

 Mae busnesau llai yn darganfod hefyd, bod dim ond bod yn agored ac yn hyblyg yn help mawr i gefnogi gofalwyr a bod aml-sgilio, cyfathrebu da a gweithio mewn tîm yn effeithiol os yw gofalwyr yn gorfod delio gydag argyfyngau annisgwyl.

Yn aml, gwybodaeth a chyngor ar sut i gael cymorth gyda'u rôl ofalu sydd ar frig y rhestr o ofynion gofalwyr. Mae rhai sefydliadau'n cynnig cefnogaeth fewnol o'r fath i ofalwyr, sy’n cynnwys eu cyfeirio at wybodaeth am wasanaethau i gefnogi'r unigolyn maen nhw’n gofalu amdanynt. 

Gallai enghreifftiau o fuddiannau hyblyg eraill gynnwys yswiriant anabledd neu ofal iechyd, a thalebau gofal plant neu ofal.

Os nad oes gan eich sefydliad rai o'r buddiannau hyn i weithwyr ac y byddai gennych ddiddordeb mewn darganfod mwy am sut i ddatblygu polisïau neu rwydweithiau newydd, efallai y bydd Cyflogwyr i Ofalwyr yn gallu helpu. Gallwch gael mwy o wybodaeth am sut y gallwn ni helpu here.

Cyfeirio gofalwyr at gefnogaeth allanol

Mae cyflogwyr yn gallu chwarae rhan werthfawr mewn cyfeirio gofalwyr yn eu gweithlu at ffynonellau cefnogaeth allanol. Mae nifer o sefydliadau allanol sy'n darparu cefnogaeth, cyngor a gwybodaeth ymarferol i ofalwyr. Mae'r rhain yn cynnwys:

• Carers UK (Saesneg yn unig)
• ACAS (Saesneg yn unig)
• BEIS (Saesneg yn unig)
• Business Link (Saesneg yn unig)
• Working Families (Saesneg yn unig)
• Jobcentre Plus (Saesneg yn unig)
• Government information for carers (Saesneg yn unig)
• NHS carers information (Saesneg yn unig)

Gall cyflogwyr chwarae rhan bwysig wrth gyfeirio gofalwyr at y ffynonellau cefnogaeth hyn. Er enghraifft, mae rhai cyflogwyr yn darparu pecyn gwybodaeth sylfaenol ar gyfer eu gweithwyr sydd â chyfrifoldebau gofalu am sut a ble i gael cefnogaeth. Mae cyflogwyr eraill yn darparu gwybodaeth fel hyn ar gyfer eu holl weithwyr newydd. Mae'r arfer hwn yn ddefnyddiol gan ei fod yn golygu nad yw'r cyflogwr yn dibynnu ar eu gweithwyr yn unig i adnabod eu hunain fel gofalwyr ac i ofyn am help, ond eu bod yn cyrraedd pob darpar ofalwr yn eu gweithlu.

Pwyntiau arfer da

Mae Cyflogwyr i Ofalwyr yn cynnal arolygon ymchwil yn rheolaidd ac o'r rhain rydym yn curadu pwyntiau arfer da sy'n dangos meysydd allweddol o gymorth i ofalwyr y mae ein haelodau EfC yn eu darparu yn eu gweithle. (Yn Saesneg yn unig)

• Cefnogi iechyd a lles gofalwyr yn y gweithle – pwyntiau arfer da
• Cefnogi gofalwyr sy’n gweithio yn COVID-19: Ymateb a myfyrdodau – pwyntiau arfer da
• Cefnogi gofalwyr sy'n gweithio yn COVID-19: Adfer a dychwelyd - pwyntiau arfer da
• Rôl Hyrwyddwyr Gofalwyr yn y Gweithle – pwyntiau arfer da

Caring and employment journey maps

Mae Cyflogwyr i Ofalwyr wedi creu dau fap yn cynrychioli'r daith gofal a chyflogaeth. Mae’r map taith gofalu yn canolbwyntio ar y gwahanol gamau o ofalu a’r trawsnewidiadau sylweddol y gall gofalwyr eu dioddef ac mae’r map taith cyflogaeth yn canolbwyntio ar y cyfleoedd y gall cyflogwyr/rheolwyr llinell/AD eu defnyddio i gefnogi gofalwyr drwy gydol eu bywyd gwaith.

Lawrlwythwch: Y daith ofalgar
Lawrlwythwch: Y Daith Cyflogaeth

Enghraifft: Bwrdeistref Llundain - Islington 

Mae Cyngor Islington wedi cyflwyno ystod o bolisïau a darpariaeth ar gyfer gweithwyr sy'n ofalwyr. Yn ogystal â threfniadau gweithio’n hyblyg ac absenoldeb arbennig, mae cefnogaeth i ofalwyr yn y gweithle yn cynnwys:

• Sesiynau yn y gweithle ar gyfer rheolwyr llinell a staff ar faterion gofalu
• Hyfforddiant cynefino a chydraddoldeb, sy’n adnabod gofalwyr, yn egluro eu hawliau, ac yn eu cyfeirio at help.
• Mynediad i hyfforddiant (fel rhan o lwfans hyfforddi 5 diwrnod i weithiwyr y flwyddyn) sydd yn gallu bod yn gysylltiedig â gwaith neu â gweithgareddau eraill sy'n berthnasol i ofalu (e.e. cymorth cyntaf, codi a chario, iechyd meddwl).
• Addo, hyrwyddo a gweithredu cefnogaeth i ofalwyr fel rhan o'r Wythnos Gofalwyr blynyddol ym mis Mehefin. 
• Fforwm Staff sy’n Ofalwyr, a sefydlwyd gan Gomisiynydd Gofalwyr, sy'n agored i holl staff y Cyngor a phartneriaid y GIG. (Mae hwn yn un o nifer o fforymau staff sydd wedi'u sefydlu i gefnogi ac annog rhwydweithio rhwng staff sydd â’r un diddordebau, i sicrhau bod ganddynt lais, a bod eu diddordebau yn cael eu cynrychioli.)
• Rhaglen Gymorth i Weithwyr, sy'n cynnig cymorth cyfrinachol 24 awr, am ddim, sy’n cynnwys cefnogaeth emosiynol, rheoli straen a chyngor ar faterion teuluol. Mae'n cynnwys cwnsela ac adnoddau i helpu gweithwyr a'u teuluoedd gyda pha bynnag faterion y gallant eu hwynebu, yn y gwaith ac yn eu bywydau personol. 
• Iechyd galwedigaethol; gall rheolwyr gyfeirio gweithwyr at nyrs neu feddyg os yw gweithiwr yn teimlo eu bod nhw’n cael trafferthion gydag ymrwymiadau gwaith neu os ydynt yn cymryd absenoldeb oherwydd salwch oherwydd cyfrifoldebau gofalu.
• Cael eu cyfeirio at gefnogaeth tu mewn a thu allan i'r gweithle drwy wasanaeth Islington Carers Hub, sy'n cynnig siop un stop mewn perthynas â chyngor, gwybodaeth a chefnogaeth i ofalwyr. 
• Ymddeoliad hyblyg i aelodau 55 oed neu hŷn, a allai, gyda chaniatâd y Cyngor, leihau eu horiau neu eu graddfa.